कोल्हापूर/श्रीनगर - जम्मू-काश्मिरच्या शोपियामध्ये झालेल्या एन्काऊंटरमध्ये दोन जवानांना वीरमरण आले. यात महाराष्ट्रातील कोल्हापूर जिल्ह्यातील चंदगड तालुक्यातील एका जवानालाही शहीदत्व आले आहे. राजेंद्र तुपारे असे त्यांचे नाव असून ते कार्वे या गावातील रहिवासी होते. तर शहीद झालेल्या दुसऱ्या जवानाचे नाव गुरुसेवक सिंह असे होते.
दोन महिन्यांनी होते गुरुसेवकचे लग्न..
मनाला चटका लावून जाणारी बाब म्हणजे, राजेंद्र तुपारे यांच्या मुलाचा मंगळवारी वाढदिवस आहे. म्हणजे मुलाच्या वाढदिवशी त्यांच्या पार्थिवावर अंत्यंसंस्कार होतील. तर गुरुसेवक सिंगबाबतही अशीच एक बाब समोर आली आहे. काही दिवसांपूर्वीच गुरुसेवक याचे लग्न ठरले होते. दोन महिन्यांनंतर म्हणजे 13 फेब्रुवारीला त्याचे लग्न होणार होते. आज संध्याकाळपर्यंत राजेंद्र तुपारे यांचा मृतदेह त्यांच्या गावी येणार आहे. तुपारे हे 2002 साली बेळगावमधील मराठा लाईट इन्फन्ट्रीमध्ये रुजू झाले होते. पुंछमध्ये सीमेवर ते तैनात होते.
शोपियांमध्ये लष्कर-पोलिस आणि दहशतवाद्यांमध्ये एन्काऊंटर झाले. याठिकाणी वनगाम परिसरात फायरिंग झाली होती. 62RR आणि पोलिस जवानांनी दहशतवाद्यांना घेरले होते. एक दहशतवादीही यात मारला गेला.
दरम्यान, या चकमकीत शहीद झालेल्या दुसऱ्या जवानाचे नाव गुरसेवक सिंग असे आहे. ते 22 शीख रेजिमेंटमध्ये तैनात होते. तुपारे यांचे पार्थिव दुपारी बेळगाव येथे येणार असून त्यानंतर त्यांचे पार्थिव मूळ गावी आणले जाणार आहे. त्यांच्या पार्थिवावर उद्या सकाळी 11 वाजता अंत्य संस्कार होणार असल्याची माहिती मिळाली आहे.
राजेंद्र यांच्यामागे त्यांच्या कुटुंबात दोन मुले आर्यन (वय 9 वर्षे) आणि वैभव (वय 5 वर्षे) तसेच आई-वडील आहेत.
No comments:
Post a Comment