अंडरवर्ल्ड डॉन दाऊद इब्राहिम त्याच्या जुन्या अटींवर भारतात येऊ शकतो, असा दावा दाऊदचे वकील श्याम केसवानी यांनी केला आहे. तसेच यासंदर्भात दाऊदसोबत चर्चा करावी लागेल, असेही केसवानी यांनी सांगितले.
केसवानी यांनी सांगितले की, भारतात येण्यासाठी आर्थर रोड जेलमध्ये न ठेवण्याची अट दाऊदने पाच वर्षांपूर्वी सरकारसमोर ठेवली होती. मात्र, तत्कालीन सरकारने याकडे गांभीर्याने पाहिले नाही.
'दाऊदचा माणूस माजी मंत्री राम जेठमलानी यांना लंडनमध्ये भेटला होता, त्यावेळी त्याने दाऊद भारतात येण्यास तयार आहे, मात्र मुंबईतील आर्थर रोड जेलमध्ये न ठेवण्याची अट त्याने जेठमलानींसमोर ठेवली होती', असे केसवानी यांनी सांगितले आहे.
मात्र, दाऊदची अट तत्कालीन सरकारने मान्य केली नाही. तर दुसरीकडे सरकारने अबू सालेम आणि छोटा राजनच्या अटी मान्य करत त्यांना भारतात आणले, असा गौप्यस्फोटही केसवानी यांनी केला आहे.
No comments:
Post a Comment